Pagkarumpag sang tulay sa China, nagpatay sang 12 ka mga construction workers

Indi magnubo sa 12 ka mga trabahador ang napatay matapos nga narumpag ang ginatukod nga tulay sa probinsya sang Qinghai, China, suno sa report sang state media.

Ginpahayag nga 16 ka mga trabahador ang yara sa ibabaw sang tulay sang ang isa ka asero nga kable hinali nga nag-utod samtang ginapatigayon ang isa ka tensioning operation, suno sa report sang Xinhua News Agency.

Apat pa ang ginapangita gamit ang mga sakayan, helicopter, kag rescue robot.

Sa kuha sang aerial photos, makit-an ang nadula nga bahin sang tulay nga nagabitay sa ibabaw sang Yellow River.

Ang tulay may kalabaon nga 1.6 kilometros, kag nagasaka sang 55 metros sa ibabaw sang suba, suno sa report sang China Daily.

Padayon pa ang imbestigasyon sang mga otoridad angut sa trahedya.