ROXAS CITY-Madinalag-on nga ginlunsyar ang Kalubihan sa Kamaisan Program ukon disperal of seeds sa Barangay Tapulang, Maayon Capiz.
Gintambungan ni Governor Fredenil “Oto” Castro, Vice Governor Jaime Magbanua, kasubong man ang mga opisyales sang Sangguniang Panlalawigan kag Mayor Raymond Malapajo kag ang iya sini mga konsehales.
Nangin dinapit man nag bisita ang OIC, PCD manager sang PCA-Capiz Andy Laurilla kag Regional Director Sang PCA-Capiz Neil Melencion.
Dako nga bugal sang mga taga Maayon nga mapatigayon ang amo nga aktibidad sa ila lugar kag ini ang isa ka dako nga bulig sa ila agud maproteksyonan ang posible nga pagbaha sa lugar.
Magabinipisyo sini amu ang mga farmers sa diin ang mga nagapanag iya sang ulumhan kag magabaton sang mga tanum ang tagsa sa ila.
Ginpahayag nga ang Kalubihan sa Kamaisan ang pinakauna nga programa sa probinsya sang Capiz.
