Pagpa-untat sang diskriminasyon batok sa mga miyembro sang lgbtqia+ community, panawagan sang isa ka kongresista

Nagapanawagan si Las Piñas City Representative Camille Villar nga tuldukan na ang diskriminasyon batok sa mga miyembro sang LGBTQIA+ community.

Suno kay Villar, kinahanglan man nga batunon  kag irespeto ang kinamatarung sang mga lesbians, gays, bisexuals, transgenders, queers, intersex, and asexuals.

Suno kay Villar, pare-pareho man kita , pantay-pantay sa tanan nga lebel sang aton nga kabuhi rason nga wala sang dapat nga diskriminasyon base sa sexual orientations, gender identities, kagexpressions.

Mensahe ini ni Villar, kadungan sang iya pagtambong sa aktibidad sa Las Pinas kaangut sa selebrasyon sang Pride Month.