Pagpalangga-anay kag Pagbinuligay, Simbolo sang Selebrasyon sang Chinese New Year sa Capiz

Pagpalangga-anay kag pagbinuligay sa komunidad ang simbolo sang selebrasyon sang Chinese New Year para sa mga magkagugma nga ginhiwat sa Capiz Provincial Capitol Grounds.

Sa interview sang Bombo Radyo sanday Ara Beltan kag Cj Beltran, ila ginpahayag n nga ang selebrasyon sang Filipino-Chinese New Year indi lamang parte sa tradisyon kundi simbolo man sang paghigugma-anay.

Suno pa sa ila,  nga nagadapat nga magapadayon ang pag-itchendihanay kag pag-isa sang mga Capiznon kag sang Filipino-Chinese community.

Nagalaum man sila sang malinong, malipayon, kag madinalag-on nga bag-ong tuig para sa tanan.