Ginpasiguro ni ACT Teachers Party-List Rep. France Castro nga balabagan nila ang gina-request nga pondo sang Office of the Vice President (OVP) para sa masunod nga tuig ilabi na ang nakapain sa social aid.
Pahayag ni Castro, indi pwede nga tugutan nga magpain sang separado nga budget para sa social services sa isa ka opisina nga may makaduluda nga track record.
Si Castro ang pabor sa posisyon sang iban pa nga mga kongresista nga miyembro sang House Committee on Appropriations nga ang budget para sa mga serbisyo nga pangkomunidad ang dapat idirekta sa Department of Social Welfare and Development (DSWD) kag indi pag-ipain nga separado sa OVP.
Dugang pa ni Castro, indi man dapat pagsaligan ang makaduluda nga record sang paggastos ni Vice President Sara Duterte, kun sa diin una na nga ginmandu sang Commission on Audit (COA) nga ibalik ang ₱73 million nga confidential funds nga wala gintugutan bangud sa indi insakto nga paggamit sang amo nga pondo.
