Nadakpan sang tag-iya ang sa ka pagtuyo nga pagpangawat sa isa ka balaligyaan sa Valenzuela City pagkatapos nga natalupangdan niya ang isa ka case sang beer nga nagtalang sa isa ka tumpok sang mga case sang soft drink.
Makit-an sa CCTV footage sang tindahan ni Hazel Gay Daguio Desamito, nga ang mga botelya kag mga case sang mga ilimnon nga mahipid nga natumpok. Apang nakibot siya sang may nakita siya nga case sang beer sa ibabaw sang mga soft drink.
Bangud sini, ginpakamaayo sang mga tag-iya sang balaligyaan nga tan-awon ang kuha sang CCTV camera kag nakita ang isa ka lalaki nga nagsaka sa gate kag ginpangita ang iya pwede nga makuha.
Una nga ginpangita sang lalaki ang mga drawer apang wala sang may nakita bangud wala ini sang unod.
Gintinguhaan man niya nga buksan ang gate, apang indi niya mabuksan bangud doble ang kandado.
Bangod wala sang mabutangan sang ilimnon ang lalaki, napinsaran niya nga ibutang ang isa ka case sang beer sa soft drink nga nakasalansan antes siya magsaka liwat sa gate.
Sa ulihi, naglakat ang mga suspek nga wala sang may nakuha sa balaligyaan.
