CAPIZ – Ginapanawagan sang mga jeepney operators sang probinsya sang Capiz ang pagpanubo sa presyo sang gatong pinaagi sa Oil Regulation Act.
Sa interview sang Bombo Radyo kay Mr. Jobert Carandang, Chairman sang Piston Capiz, ginpahayag sini nga luyag sang mga operators nga panubuon kuntani sang mga natungdan ang presyo sang gatong agud nga indi maapektuhan ang pagsuluktan sang pamasahe sa tagsa ka mga pampasahero nga mga behikulo.
Suno diri nga indi tanan nga mga pasahero ang yara sa regular kay may yara sang mga Senior Citizen kag mga estudyante nga sulod sa pag-avail sang discounts.
Apisar makabig daku nga bulig para sa mga jeepney operators ang hagna sang LTFRB nga pagadugangan ang pagsuluktan sang plete galaum sila nga magareklamo ang iban nga mga commuters sa tion nga mangin epektibo na ang hagna sang amu nga ahensya.
Samtang, panugyan Carandang sa mga commmuters, nga magsunod na lamang sa laye bangod sila nga mga operators ang nagasunod lamang kung anu ang mandato sang gobyerno.
