ROXAS CITY – Pagpatapan lamang sa ginapanag-iyahan nga duta sa Barangay Manhoy, Dao ang mayor nga tintuyo ni Mrs. Marilyn Francisco sa pagpakig-transaksyon sa umagad ni Mayor Leodegario ‘’Jun’’ Labao Jr.
Ginpahayag ni Francisco sa pagkamatood nga wala ini sang nabaton bisan singko gikan sa nasambit nga transaksyon.
Apang okey lamang ini sa ginang, bangud concern lamang sini nga mapatapan ang amo nga duta agud mangin mahapos sa iya anak nga plano nga magpatindog sang balay sa lugar.
Indi malipod nga nakig-transaksyon si Francisco sa umagad ni Labao agud lamang mapatapan ang duta sa diin libre sini ginhatag ang buga.
Apang suno sa ginang nga antes ini nakigtransaksyon sa umagad ni Labao, nagpalapit sa iya si anay punong barangay kag karon barangay kagawad Contreras.
Gin-alegar ni Francisco nga nagpromesa si barangay kagawad Contreras nga i-lobby sini ang nasambit nga transaksyon sa gobernador kag sila mismo ang maga-provide sang heavy equipment.
Apang bangud nauna nga natigayon ang ila transaksyon ni Labao, rason nga ini ang iya gin-una.
