Posible nga magpasaka liwat sang tensyon ang pagsarado sang Iran sa Strait of Hormuz sa tunga nila sang Estados Unidos sang Amerika.
Suno kay Bombo Joseph Timothy Rivera, international correspondent direkta sa Qatar, liwat nga gin-istrikto sang Iran ang nasambit nga strait kadungan sang duha ka mga commercial vessels nga gin-atake sa tunga sang mga engkwentro nga ginpangunahan sang Islamic Revolutionary Guard Corps (IRGC).
Pahayag pa niya, padayon man nga naval blockade sang Amerika batok sa mga barko nga nagapasulod sa Iran, nga nagapadugang pa sang kahadlok kag nakaapekto sa ekonomiya sang nasambit nga pungsod.
Sa pihak nga bahin, ginapanawagan man sang pungsod Pakistan nga liwat nga magpatuman ang peace talks agud malikawan ang mas madamo pa nga engkwentro kag mangin permanente na ang cease fire.
Bangod sini, nagabatyag sang pagkabalaka ang pila ka mga Overseas Filipino Workers (OFWs) sa Gulf region.
Nagalaum man ang natungdan nga mag-untat na ang kinagamo sa Middle East agud mapahagan-hagan na ang pagtaas sang presyo sang mga balaklon sa kalibutan kag wala na sang kabuhi sang mga sibilyan ang madalahig pa.
