ROXAS CITY, CAPIZ- Nangin malinong kag matawhay ang pagsug-alaw sang Tigkalalag 2025 sa sulod sang duha ka—adlaw, patikular Nobyembre 1 (All Saints’ Day) kag Nobyembre 2 (All Souls’ Day).
Sa interview sang Bombo Radyo kay Police Captain Merry Chris Dela Cruz, Police Information Officer sang Capiz Police Provincial Office kag Hepe sang Panitan Municipal Police Station, iya ginpahayag nga kaangay nangin cooperative ang tagsa ka mga pumuluyo sang probinsya sa panawagan sang ila nga talatapan para sa kalinong kag katawhay samtang nagapadulong sa tagsa ka mga patyo.
Suno kay Dela Cruz, ang kasubong nga record ang ginapasalamatan sang ila nga talatapan.
Pahayag nya, wala naman sila sang may narekord sang mga kriminalidad sa amo nga mga adlaw kag wala man sang mga nakumpiska nga ginadumilian nga mga pagkabutang sa tion sang pagbisita sang mga tawo sa patyo.
Samtang, padayon nga nagapawagan ang natungdan sa mga pumuluyo nga ipabilin ang kalinong kag katawhay sa palibot agud nga maayo ang pagpanglakaton sang tagsa-tagsa.
Interviewed by Bombo Jessa Mae Siman De Los Santos
