Pagsuluktan sa kuryente, nagsaka subong nga bulan sang Hulyo – CAPELCO

ROXAS CITY – Nagsaka ang pagsuluktan sa kuryente sang Capiz Electric Cooperative (CAPELCO) subong nga bulan sang Hulyo.

Sa interview sang Bombo Radyo kay Engineer Edgar D. Diaz, General Manager sang CAPELCO, ginpahayag sini nga nagsaka sa 0.43 centavos ang per kilowat hour sang pagsuluktan sa kuryente subong nga bulan.

Suno kay Diaz nga indi maka-operate ang mga dalagkuan nga generator sa isla sang Panay rason nga nagadependir ini sa mga powerplant nga gina-provide sang iban nga isla.

Bangud sini may ginatawag nga cost ukon generation charge rason sang pagtaas sang rate.

Pahayag pa ni Diaz nga ang pagtaas sang rate ang nakadepende sa bili sang kuryente nga ginabakal sa market.