-- ADVERTISEMENT --
Dako nga bulig para sa mga vendors ang pagsuspinde sang pagtaas sang rental rates sa Teodoro Arcenas Trade Center, Roxas City.
Sa interview sang Bombo Radyo kay Edilberto Cambe, Presidente sang Rice Retailers Association, iya ginpahayag nga dako gid ang pagpasalamat sang mga negosyante sa amo nga desisyon, ilabi na sa tunga sang padayon nga pagtaas sang presyo sang mga balaklon.
Suno kay Cambe, paagi sa amo nga ordinansa nga gin-file kag gin-aprobahan makabulig ini sa dugang nga kita sang mga vendors sa matag-adlaw.
Nahibaluan nga ang pagpaiway sang pagtaas sang renta sa mga pwesto sa public market sang syudad magapadayon tubtob tuig 2027.
