Nagasalig si Energy Secretary Sharon Garin nga ang pagsugod sang nuclear power program sa Pilipinas makabulig sa pagpahagan-hagan sang mabug-at nga balayran sa kuryente sang mga konsumidor sa tuig 2030.
Suno sa tiglikom, sa tion nga magtaas ang supply sang kuryente sa pungsod—ilabi na halin sa alternatibo nga sources kaangay sang renewable energy—ginapahayag nga posible magnubo ang balayran sa kuryente tubtub sa P2 tubtob P3 kada kilowatt-hour.
Apang gin-athag ni Garin, nagadepende sa gihapon kun matuman ang bug-os nga nukleyar nga programa sang pungsod.
Madumduman nga ginpirmahan ang Republic Act 12305, ukon ang Philippine Atomic Energy Regulatory Authority (PhilATOM) Act, nga nagatuyo nga masiguro nga ang paggamit sang nuclear energy nagasunod sa international safety kag regulatory standards.
Ginhatagan man pagtamod ni Garin nga bangod sang moderno nga mga teknolohiya, ang nukleyar nga enerhiya mas luwas, mas epektibo, kag mas barato karon kon ipaanggid sang nagligad.
