Nakapa-blotter na sa Pontevedra Municipal Police Station kag napalab-ot na sa alkalde sang Pontevedra sang mga vendors ang natabo nga pagwas-ag sa ila baligya ni Punong Barangay Resty Oquendo sang nagligad nga Sabado sa old market sang Barangay Hipona.
Nahibaluan nga may tatlo ka mga witnesses nga handa pamatud-an ang pagwas-ag ni Kapitan Oquendo sang mga baligya kag paghaboy sang bangko bangud ginkaakig sini ang wala pagsunod sa iya ginhinyo nga kada Miyerkules kag Sabado sa bag-o nga merkado sila magabaligya kag sa bisan magbalik sila sa old public market sa iban nga mga inadlaw.
Ginpahayag ni alyas Inday, fish vendor nasaksihan sini mismo ang pagwas-ag sang mga panakot nga baligya ni Nanay Merlinda ni Kapitan Oquendo kag ang paglampus sang bangko sang anak ni Kapitan nga si Sultan kay Roselyn nga anak ni Nanay Merlinda, apang maswerte lamang nga nakalikaw ini.
Sa iya bahin naghinyo man ini kay Kapitan sang madali nga oras apang wala ginalauman nga masaplingan ini kag maula.
Ginpamatud-an man sini ang paghaboy sang langka kay Roselyn kag ang pagtuyo nga pagsakit diri, apang ginpatung-an sang iya iloy.
Kun siya ang pamangkuton, indi sini luyag nga magtransfer sa pagbaligya sa crossing Texas bangud magluwas nga malayo, mainit ang lugar.
