-- ADVERTISEMENT --
Naglunsyar ang airstrikes sa sulod sang Afghanistan ang Pakistan sa diin indi magnubo sa 10 ang patay.
Ini ang nagguba sang ceasefire nga nangin palaagyan kuntani sang kalinongan sang border sa sulod sang duha ka adlaw matapos ang malapit isa ka semana man nga maduguon nga away sa tunga sang duha ka mga pungsod.
Suno sa opisyal sang Taliban, ginbombahan sang Pakistan ang tatlo ka mga lugar sa Paktika province sa Afghanistan kag nagpaandam man ini nga magabalos ang pungsod.
Ginpahayag naman sang ospital malapit sa lugar nga 10 ka mga sibilyan ang napatay lakip na ang duha ka mga kabataan kag 12 ka iban pa ang pilason.
