Pakistan, nagpatigayon sang malapnagon nga airstrike sa Afghanistan

Nagpatigayon sang malapnagon nga airstrike ang Pakistan sa Afghanistan.

Suno sa Taliban, 18 ka tawo ang napatay, lakip na ang mga babaye kag kabataan.

Target sang pagpang-atake amo ang pito ka mga kampo sang militante nga grupo malapit sa border sang Pakistan kag Afghanistan.

Ang nasambit nga mga pag-atake ang ginpahayag bilang balos sa suicide bombings sang Taliban sa Pakistan sang nagligad nga mga binulan.

Ginkondena ini sang Taliban sa diin madamo nga mga sibilyan nga nagapuyo sa mga probinsya sang Nangarhar kag Paktika ang napatay.