Wala sang pagsaka sang plete sa mga tricycle sa Roxas City.
Ini kasunod sang reklamo sang pila ka commuters angut sa mataas nga sukot sa plete.
Sa interview sang Bombo Radyo kay Mr. Melvin Galagate, head sang Roxas City Communication Group, iya ginpahayag nga wala pa sang may nabaton nga petisyon halin sa mga transport sector ang syudad agud magpasaka sang plete.
Suno kay Galagate, nagapabilin sa gihapon sa P15 ang regular nga plete sa una nga duha ka kilometro, kag may dugang nga P5 sa kada masunod nga kilometro.
Para naman sa senior citizens kag estudyante, P10 ang plete sa una nga duha ka kilometro kag may dugang man nga P5 sa masunod nga kilometro.
Nagpaandam man ang natungdan sa mga tricycle driver sa syudad nga likawan ang sobra nga pagpanukot sa plete sa mga pasahero.
Ginpasigurado man sang syudad nga mahatag ang Fuel Subsidy sang mga rehistrado nga mga tricycle drivers sa Roxas City Tricycle Franchising Regulatory Unit
