Pamilya, nagapati nga wala foul play sa kamatayon sang ila himata nga nasapwan sa suba sa Mambusao, Capiz

Nagapati ang pamilya nga wala sang foul play nga natabo sa kamatayon sang ila himata nga nasapwan sa suba nga sakop sang Barangay Pangpang Sur, Mambusao, Capiz.

Ang biktima amo si alyas “Jimmy,” legal ang pang-edaron kag residente sang Barangay Maralag sa nasambit nga banwa.

Sa interview sang Bombo Radyo kay Police Major Ruby Magallanes, hepe sang Mambusao Municipal Police Station, iya ginpahayag nga ang biktima may gina-suprer nga balatian nga hypertension.

Suno kay Magallanes, possible nga gin-atake ang biktima samtang nagapamunit rason nga nalumos ini.

Nagpanugyan man ini sa publiko  nga likawan ang pagpaligo sa suba ilabi na gid sa mga may balatian.