Wala nagpasugot ang pamilya sang 60-anyos nga si tatay Jose Navarra nga napatay bangud sa aksidente sa banwa sang Ivisan nga P50,000 lamang ang igahatag sa ila nga bulig sang kompanya nga NKS Marketing.
Matandaan nga si tatay Jose ang ikaduha nga ginbawian sang kabuhi sa natabo nga aksidente sa banwa sang Ivisan sang Agosto 13, matapos ginapahayag nadulaan sang preno ang 10 wheeler truck.
Sa interview sang Bombo Radyo sa mga utod ni tatay Jose, kalain sa ila pamatyagan nga P50,000 lamang ang kabaylo sang kabuhi sang ila utod. Suno sa ila nga kaangay nga nagbakal lamang ang kompanya sang baboy kag mas mahal pa gani suno diri ang bili sang sapat.
Pahayag pa nila nga kun indi magpasugot ang kompanya sa ila luyag nga ginapangayo nga kantidad, desidido ang mga ini nga magpadaka sang nagakaigo nga kaso batuk sa kompanya kag driver sang truck.
Suno pa diri nga kun maghatag ang kompanya sang insakto indi na sila magpasaka pa sang kaso kag ang kantidad nga ila mabaton ihatag nila sa ila iloy.
 | ReplyForward |
