Naghatag sang pahanumdum si Kapitan Erwin Oroceo sang Barangay Baybay nga nagapaandam sa mga dumuluong sa mga baybayon subong nga Domingo sang pagkabanhaw.
Suno sa iya, gina ekspektar nila nga ang baybayon pagadugukan na naman sang pila ka mga bisita kag mga pumuluyo sang probinsya agud magpaligo para sa pag obserbar sang easter sunday kag summer vacation ang pangiliron sang baybayon.
Ginpahanumduman man sang konseho ang mga pumuluyo sang barangay nga maghalong kag magsunod sa mga regularidad sang barangay kag mga otoridad agud malikawan ang pila ka mga insidente sa nasambit nga barangay.
Dugang pa ni Oroceo sa mga nagalagaw, kag mga bisita nga kun may makaduluda nga hulag sang isa ka persona gilayon nga magpalapit sa mga otoridad nga nakadesignar sa lugar agud marespondehan,kag siguraduhon nga naka-lock ang mga motorsiklo kag salakyan, bantayan ang personal nga kagamitan kag mag- aligmat sa tanan nga oras.
Panugyan pa ni PB Oroceo sa publiko nga magsunod sa mga patakaran sang ila Barangay likawan ang paglapta sang basura agud mapabilin ang kalinong kag katinlo sang palibot kag likawan nga magpaligo sa baybayon nga yara sa impluwensya sang makahulubog nga ilimnon.
