ROXAS CITY – Nagpanawagan ang pamunuan sang Teodoro Arcenas Trade Center sa mga manugbaligya kag manugbakal nga sundon ang mga polisa sa sulod sang merkado agud hilway ang baligyaanay kag baklanay sang mga pagkaon para sa noche buena kag media noche.
Sa interview sang Bombo Radyo kay Heloise Mendoza, Market Administrator, iya ginpahayag nga responsibilidad na sang tagsa ka mga vendor ang paghimos sang ila mga basura amo man sa mga manugbakal nga indi lang pag-ibilin ang mga basura sa bisan diin lang bangud may yara sang basurahan ang palibot sang merkado.
Suno kay Mendoza, ginhawanan ang area sang merkado agud makaakomodar sang madamo nga market goers subong nga holiday season.
Sa subong madamo na nga mga manugbakal ang nagapadulong sa TATC agud magbakal sang mga kinahanglan para sa noche buena.
