ROXAS CITY – Nagapangluya nga nagpabutyag sang pagkadismaya ang pila ka mga drivers sang pampasahero nga salakyan sa probinsya sang Capiz.
Sa interview sang Bombo Radyo kay Marjun Solis, jeepney driver nga may biyahe nga Cuartero-Dao to Roxas City and vice versa, suno diri nga kapin 200 pesos ang nadula sa iya nga income sa kada adlaw, bangud sa pagtaas sang presyo sang gatong dugangan pa sang mga ka-kompetensiya sa ila nga pagbiyahe kaangay sang ‘libreng sakay’ sang gobyerno.
Dugang pa sini, sa kaangay niya nga nagapamorsyento gid lamang, pasalamat na ini kun makapauli nga may kita’ 100 tubtob 150 pesos sa bilog nga adlaw nga pamasada.
Panawagan sang kaangay sini nga drivers sa gobyerno nga kun mahimo panubuan ang presyo sang gatong sa baylo nga pataasan pa ini.
Nahibaluan nga suno sa DOE, kapin P16 ang nagtaas sa presyo sang produktong petrolyo sumugod sa bulan sang Enero tubtob sa karon.
