ROXAS CITY, CAPIZ- Nangin madinalag-on ang ginpatigayon nga hublag-protesta nga Trillion Peso March sang Setyembre 21, 2025 sa nagkalain-lain nga bahin sang pungsod, suno sa tiglawas sang Kabataan Party-list.
Sa interview sang Bombo Radyo kay Representative Renee Louise Co sang Kabataan Party-list, iya ginpahayag nga madamo sang mga pamatan-on ang nagpakigbahin sa amo nga aktibidad.
Suno kay Co, bitbit sang tagsa ka mga kabataan ang mga plakard nga may nagkalain-lain nga mensahe kag nagasinggitan sang mga tinaga nga magpanabat ang kinahanglan magpanabat kag untaton na ang kurapsyon nga nagakahinabo sa pungsod.
Dugang pa nya, indi nila luyag nga kawaton sa ila ang tagsa-tagsa nila ka mga bwas damlag, rason nga panawagan sang mga ini nga pondohan sang dako ang sektor sang edukasyon, sektor sa ikaayong-lawas kag iban pa.
Nagalaum ang Kabataan Party-list nga pamatian kag hatagan sang sabat ang ila nga mga panawagan sa mga opisyales sang gobyerno kag mga indibidwal nga naulamid sa amo nga korapsyon.
Nagpanawagan naman si Co sa mga kabataan nga ipakigbato ang tagsa ka mga kinamatarong, ilabi na kun ginakawat na sang mga opisyal ang tagsa nila ka mga puturo.
Interviewed by Bombo Sunnie Mae Constantino Batencila
