Hugot nga ginadumilian ni Panay Capiz Mayor Jonathan Sonny Besa, ang gin-alegar nga pagpangaltas sang pila ka barangay officials sa mga benepisyaryo sang DOLE-TUPAD program sa Barangay Tanza Norte.
Sa interview sang Bombo Radyo kay Mayor Besa, iya ginpahayag nga iya ginpahayag nga apisar nabalik na ang kwarta nga ginbuhin sang ginatudlo nga barangay officials, may yara sa gihapon sang posible nga paglapas ukon violation.
Suno kay Mayor Besa, seryoso ang administrasyon sang banwa sa pag-atubang sang amo nga reklamo bangud dako nga bulig ang programa sang DOLE-TUPAD para sa mga pumuluyo nga nagakinahanglan sang temporaryo nga trabaho.
Dugang pa sang alkade, nga dismayado ini sa natabo kag nagalaom nga indi na ini maliwat sa iban pa nga barangay sa banwa.
Sa subong, padayon ang imbestigasyon sang mga otoridad agud mahibaluan kon sin-o ang dapat manabat sa nasambit nga alegasyon.
Samtang, bukas man ang talatapan sang Bombo Radyo para sa pagpahayag sang nasambit nga mga barangay officials.
