Pormal na nga ginbuksan sang Panay local government unit ang Panay Christmas Village 2025.
Ini ang ginpangunahan ni Panay Mayor Jonathan ‘Sonny’Besa kaupod ang mga opisyales sang banwa sang Panay.
Base sa iya nga mensahe, tuman gid ang excitement nga iya nabatyagan bangud ini ang labing una nga makatambong kag pagapangunahan niya ang amo nga kahiwatan.
Nahibaluan nga linibo nga mga tawo ang nagtambong sa amo nga christmas village nga ginsuguran sang isa ka misa kag nagtapos sa isa ka maanyag nga fireworks display.
Samtang, nakabantay naman ang mga katapo sang kapulian, Bureau of Fire Protection kag mga emergency responders sa pagsiguro sang kalinong kag katawhay sa palibot.
Dugang pa sang natungdan, ang ini nga aktibidad ang nagapakita sang matuod nga simbolo sang Paskwa nga may paghiliusa.
