ROXAS CITY – Gintawag nga traidor ni Panay Mayor Felipe Barredo ang Liga ng mga Barangay president kag Punong Barangay sang Bago Grande sa amu nga banwa nga si Rogelio Besorio.
Natabo ini sang ginpatigayon ang Municipal Peace and Order Council (MPOC) kag Municipal Anti-Drug Council (MADAC) sang Disyembre 2, 2021.
Sa interview sang Bombo Radyo kay Barangay Kapitan Besorio, nga bilang Liga ng mga Barangay president kag antes paman ang pagsinapol, gintawgan ini sang opisina sang alkalde nga mag-atender sa amu nga kahiwatan.
Ginkakibot nalang sini nga pag-abot sa venue, ginhambalan ini sang alkalde nga magguwa bangud indi imbitado ang traidor.
Dugang pa ni Besorio nga nagatinguha lamang ini nga tumanon ang iya katungdanan sa ila banwa.
Agud malikawan nga magalala ang hitabo, ginpakamaayo nalang sini nga magguwa sa amu nga pagsinapol.
