Panibag-o nga depektibo nga mga kiluhan nakumpiskar sa mga vendors sang RESET sa TATC

ROXAS CITY -Panibag-o nga depektibo nga mga kiluhan ang nakumpiskar sang Roxas Environmental Sanitation Enforcement Team (RESET) sa Teodoro Arcenas Trade Center (TATC).

Ginpahayag ni retired police officer Col. Primo Golinggay nga 14 naman ka depektibo nga mga kiluhan ang nakumpiskar sang hubon gikan sa mga vendors.

Nahibaluan nga gikan ang nakumpiskar nga kiluhan sa mga manugbaligya sa kabanwahanan nga naga-atad sang ila produkto tagsa ka Domingo sa San Roque extension, Barangay 8, sining syudad.

Suno kay Golinggay nga nag-operate sila matapos nakabaton sang reklamo sa mga bumalakal nga kulang ang ila ginabakal.

Sa karon yara na sa kostodiya sang RESET ang nasambit nga mga kiluhan