Suportado ni Bicol Saro Partylist Representative Brian Raymund Yamsuan ang hagna nga magahatag sang dugang nga benepisyo sa insurance sa mga mamumugon sa barangay kag magpatigayon sang retroactive pay increases para sa mga empleyado sang lokal nga gobyerno bilang pagkilala sa ila nga mga katungdanan bilang mga facilitator sang maayo nga pagdumala.
Ang nasambit nga hagna ang gin-author ni Speaker Martin Romualdez nga hatagan sang Social Security System coverage ang mga barangay officials kag mangin ang mga workers.
Nagpasugot man si Yamsuan sa rekomendasyon ni Department of Budget and Management (DBM) Secretary Amenah Pangandaman sa pag-amyenda sa mga probisyon sang Local Government Code (LGC) agud mapagana ang retroactive salary increases sang mga mamumugon sa local government units (LGUs).
Ang pagtugot sa retroactive effect sang pagtaas sang suweldo sang mga empleyado sang LGU ang base sa equal protection clause nga nakasaad sa konstitusyon.
Ginhatagan man sang pagtamod ni Yamsuan nga wala sang dako nga kinalain sa tunga sang mga plantilla positions sang mga empleyado sa LGUs kag sa iban pa nga ahensya sang gobyerno, gani dapat sila nga manginpulos sang pareho nga benepisyo.
Pahayag pa sang Kongresista nga ang mga local government workers, kalakip ang mga yara sa barangays ang nagaserbi man nga mga frontliners sa paghatag sang basic services sa publiko.
Ang mga ini man ang nagabulig para mapabilin ang kalinong kag mangin resilient ang komunidad.
Ginpahayag ni Yamsuan nga ang hagna ni Speaker Romualdez nga ilakip ang mga opisyal sang barangay para mangin miyembro sang SSS ang isa ka importante nga tikang agud palaparon pa ang benepisyo.
Ang House Bill (HB) 9976, ang may tinutuyo nga amyendaran ang Republic Act 6942 kalaklip ang barangay tanod, barangay health worker, barangay day care worker kag ang mga miyembro sang mga Lupong Tagapamayapa nga mahatagan sang death, burial and accident insurance benefits.
Sa idalom sang RA 6942 ang punong barangay, Sangguniang Kabataan (SK) chairperson, kag iban pa nga mga pili nga barangay officials ang entitled sa insurance benefits.
Suportado man ni Yamsuan ang hagna nga magahatag sang six-year fixed term para sa elective barangay officials.
