CAPIZ – Nagsugod na subong nga adlaw ang Pasinaya Festival 2026 kun sa diin isa ang probinsya sang Capiz sa mangin venue sa pagpanguna sang Cultural Center of the Philippines, Capiz Provincial Government kag
Capiz Provincial Tourism and Cultural Affairs Office.
Sa interview sang Bombo Radyo kay Mr. Alphonsus Tesoro, Head sang Capiz Provincial Tourism and Cultural Affairs Office, iya ginpahayag nga ang ini nga kahiwatan ang may tinutuyo nga buksan ang teatro sa publiko kag ipakita ang matahum nga sining kag kultura sang pungsod.
Suno kay Tesoro, ining duha ka adlaw nga kahiwatan ang puno sang mga activities nga magapakita sang abilidad sang tagsa ka mga performer sa nagkalain-lain nga lugar sa pungsod.
Pahayag pa niya, daku man ang mabulig sang sini nga kahiwatan sa pagpa-umwad pa sang turismo kag negosyo sa probinsya.
Gina-agda man sang natungdan ang tanan nga magtambong sa kahiwatan nga magapakita sang matahom nga turismo kag kultura sang pungsod Pilipinas.
INTERVIEWED BY: BOMBO ROADNIE DABAN DALANON
