ROXAS CITY – Nabudlayan nga ipatuman sang Punong Barangay sang Barangay Culasi, Roxas City ang road clearing operation 2.0 sang Department of Interior and Local Government (DILG), bangud sa madamo nga kabalayan kag establisemento sang mga negosyante ang maapektuhan.
Ini ang ginpahayag ni Punong Barangay Teresa Almalbis sang ma-interview sang Bombo Radyo Roxas.
Ginpahayag ni Almalbis nga ginapangita-an pa nila sa karon sang lugar nga masayluhan ang maapektuhan nga mga balay.
Samtang maga-apelar si Almalbis sa DILG nga pahanugutan nga gamiton ang natuo nga portion sang Culasi Port bilang parking area sang mga dalagkuan nga mga delivery truck.
Sa karon may yara naman sang mga nahimo nga tikang ang mga opisyales sang nasambit nga barangay apang indi pa makonsiderar nga 100% ang road clearing operation nga ila napatuman.
