Ginhatagan sang pasidungog ni Pangulong Ferdinand Marcos Jr. ang mga Overseas Filipino Workers (OFWs) sa Lao People’s Democratic Republic.
Sa iya nga mensahe sa atubang sang linibo nga mga miyembro sang Filipino Community sa Laos, ginkilala sang Pangulo ang ila kontribusyon kalakip na ang mga manunudlo nga nagahans sa mga mangin lider sang nasambit nga pungsod sa buwas damlag, mga inhinyero nga nagapatuman sang ila economic security, kag hospitality providers nga nagadul-ong sang kinalain nga serbisyo nga ila natun-an nagikan sa Pilipinas.
Kalakip man ang executives nga nagapabaskog sa ila business community padulong sa paghatag sang mga oportunidad para sa importation, investments, iban pa nga experts kag professionals nga nagapakigbahin sang ila abilidad kag ikasarang para sa pag-umwad sang komunidad.
Suno kay PBBM, nabatyagan niya ang maayo nga kalibre kag mataas nga paglantaw sang mga taga-Laon sa mga Pilipino kag sila suno diri ang nagapamatuod nga nagapangingibabaw ang abilidad kag talento sang mga Pilipino sa bilog nga kalinbutan.
Kadungan sini, nagpanugyan man si PBBM nga ipadayon ang pagiging ambassadors sang maayo nga pagbinatasan sang mga Pilipino.
