Ginpanindugan ni President Ferdinand Marcos Jr., nga wala sang “selective justice” sa idalum sang iya administrasyon, kasunod sang rally nga ginhiwat sang Iglesia Ni Cristo (INC) sa pagprotesta sa ginaalegar unfair administration of justice may kaangtanan sa pending filing sang non-bailable plunder case batok kay Senador Rodante Marcoleta.
Antes sia magbayahe padulong sa Vancouver, Canada para sa apat ka adlaw nga opisyal nga pagbisita, ginpahayag sini nga indi siya pabor sa pahayag sang INC nga may nagaluntad nga selective justice sa gobyerno.
Matandaan nga humalin Hunyo 30 tubtub kahapon, Hulyo 1, nagpatigayon sang rally ang INC agud ipabutyag ang ila pagpamatuk sa ginaalegar selective justice kag ipakita ang suporta kay Marcoleta.
Linibo ka mga miyembro sang INC ang nagtipon sa People Power Monument sa Quezon City agud ipakita ang ila suporta sa senador kag nagapanawagan sang patas nga pagpatuman sang kasuguan.
