Nag-angkon sang phonecall meeting sanday President Ferdinand Marcos Jr., kag Malaysian Prime Minister Anwar Ibrahim, bilang panugod sa pagahiwaton nga ASEAN Summit sa Malaysia subong nga Mayo.
Suno kay President Marcos, gintalakay nila ang mga ginapangatubang nga pagpanghangkat sang ASEAN Region partikular na ang may kahilabtanan sa ekonomiya kag seguridad.
Ang ekonomiya kag seguridad ang nagapanguna nga prayoridad sang mga pungsod sa ASEAN bilang kabahin sang tinutuyo sang ASEAN leaders nga mapabilin ang kalinong kag mapabakod kag mapauswag sang husto ang rehiyon para makadungan sa iban pa nga dalagkuan nga pungsod.
Nagalaum naman ang pangulo nga magapadayon ang mga pagtalakay kaupod ang iban pa nga ASEAN leaders sa ASEAN Summit para mas mapabakod ang posisyon sa pagduso sang malinong kag mainuswagon nga ASEAN Region.
Magluwas sa isyu sa ekonomiya kag seguridad, ginalauman nga pagatalakayon man sa ASEAN summit ang iban pa nga isyu nga lunsay mga bilidhon sa kada pungsod sa ASEAN.
