PBBM, kuntento sa resulta sang bag-o lang natapos nga senatorial race

Kuntento si Presidente Ferdinand R. Marcos Jr., sa resulta angut sa pagsulod sang anum ka mga kandidato sa Administrasyon nga nagdalagan sa pagka-senado.

Suno kay Palace Press Officer Atty Claire Castro, nagpakita sa nakaligad nga eleksyon nga may dignidad ang mga kandidato sang Alyansa kag may kaugalingon man nga pagpati.

Ginpasalig man ni Usec Castro nga ang mga nakasulod sa Magic 12 ang para sa pungsod kag indi para sa iban nga pungsod.

Kaangot sini, ginhatagan pagtamod ni Castro nga indi factor ang kolor sa pagserbisyo sa pumuluyo kag sa baylo, ang dapat pinsaron sang mga bag-o napilian amo ang pagbulig kag pagtrabaho para sa pumuluyo.