Ginkumpirmar sang Presidential Communications Office (PCO) nga nagapreparar nga si Presidente Ferdinand Marcos Jr., para sa ikatatlo sini nga State of the Nation Address (SONA) sa Lunes, Hulyo 22, 2024.
Sa karon, nakapokus ang Punong Ehekutibo sa pagsapinal sang iya speech.
Suno sa PCO kalakip sa ginahimo sang Presidente ang pag-edit mismo sang iya sini nga SONA speech.
May rehearsal man suno diri ang Presidente sa Kamara pero wala sini ginpahayag kun san-o ini.
Una na nga ginpahayag sang presidente, nga ang iya sona ang may kaangtanan sa sitwasyon sang ekonomiya sa pungsod, kampanya sang gobyerno batuk sa krimen, kalakip man ang mga natapos na nga mga proyekto sang gobyerno kag alin pa ang mga nakalinyada nga pagatapuson sa mga masunod nga tuig.
Gin-ako man sang Presidente nga mabudlay paiguon sa limitado lang nga oras ang tanan sini nga luyag ibalita sa pungsod apang tinguhaan sini nga tapuson ini sa sulod sang isa ka oras.
