Tuman ang pagpasalamat ni Pangulong Ferdinand “Bongbong” Marcos Jr. sa ADB bangud sa mga foreign assisted projects sini para sa Pilipinas.
Ini ang kadungan sa farewell call ni ADB Pres. Masatsugu Asakawa sa Malakanyang.
Suno sa Pangulo, dako nga bulig sa Pilipinas ang nasambit nga mga proyekto.
Mahibaluan nga ang ADB ang masami nga nagapanguna sa tanan nga mga proyekto nga ginbuligan sang mga dumuluong sa pungsod.
Ginsiling man ni PBBM ang iya tinutuyo kung sa diin amu ang pagpabaskog sang partnership.
Agud hatagan sang pasidungog ang indi matupungan nga suporta kag serbisyo sang ADB gintan-ay ni Pangulong Marcos kay Asakawa ang Order of Sikatuna nga may ranggo Datu (Grand Cross) Gold Distinction.
Ang amu nga pasidungog bilang pagkilalala sa iya pagtimakas nga padalumon pa ang partnership kag relasyon sa tunga sang Pilipinas kag ADB.
Si Asakawa naman nagpahayag sang iya pasalamat kay Pangulong Marcos sa pagpasugot sang paghinun-anun antes tapuson ang iya pagpungko.
Nagserbi man ini bilang ADB president sa sulod sang lima ka tuig sumugod sa iya termino sadtong Enero 17, 2020.
