ROXAS CITY – Ginkumpirmar ni Pangulong Ferdinand Marcos Jr., nga ginrekomendar ni DILG Secretary Benhur Abalos ang pag-deklarar sang state of calamity sa bilog nga Metro Manila.
Ini bangud sa tuman nga epekto sang Bagyong Carina kag ginpabaskog sang hanging Habagat.
Mahibaluan nga ginhimo ni Secretary Abalos ang nasambit nga rekomendasyon nga ginpangunahan ni Pangulong Ferdinand Marcos Jr., sa NDRRMC.
Suno sa Presidente, natalana nga mag-convene ang Metro Manila Council agud pabakuron ang pagdeklarar sang state of calamity.
Dugang pa sini nga naubos na ang reserved funds sang mga local government units rason nga kinahanglan na nila sang bulig nagikan sa national government.
Magluwas sa Metro Manila, magadeklarar man sang state of Calamity sa Calabarzon region.
Ginsiling ni Abalos nga dako nga bahin sang Metro Manila ang lubog sa baha ilabi na sa CAMANAVA area partikular ang Caloocan, Malabon kag Navotas.
Sa oras nga madeklarar ang state of calamity, mahimo na nga magamit sang mga LGU ang ila calamity fund.
