Nakarekord ang Philippine Coast Guard-Capiz sang tatlo ka mga barko nga stranded samtang 89 naman ka mga motorbanca ang nagpalipod anay samtang malain ng tyempo tuga sang Bagyo Opong.
Wala naman sang mga pasahero nga na-stranded sa nasambit nga probinsya.
Base sa Report sang Coast Guard District Western Visayas, naglab-ot sa 1,449 ka mga pasahero, 13 ka mga barko, kag 195 ka mga rolling cargo ang na-stranded sa 34 ka mga pantalan sa pila ka mga probinsya sa Western Visayas.
Sa Coast Guard Station Iloilo, may 1,113 ka mga pasahero upod ang mga driver kag helper, 180 ka mga barko, kag 13 ka rolling cargo ang na-stranded samtang may 20 ka mga barko kag 20 ka motorbanca ang nagpalipod.
Sa Coast Guard Station Guimaras, apat ka mga pasahero ang na-stranded.
Sa Coast Guard Station Aklan may tatlo ka rolling cargo nga stranded.
Sa Coast Guard Station Antique, may 332 ka mga pasahero kag 15 ka rolling cargo nga stranded.
Padayon naman nga ginabantayan sang mga otoridad ang sitwasyon samtang nagapadayon ang malain nga panahon.
