ROXAS CITY – Nakigbahin ang Philippine Drug Enforcement Agency (PDEA) Region 6 sa Brigada Eskwela 2019 sang mga eskwelahan sa probinsiya sang Capiz para mas mapasanyog pa ang kampanya sang ahensiya batuk saginadumilian nga droga.
Tinutuyo sang tikang sang ahensiya nga mapasangkad ang impormasyon sa epekto nga tuga sang droga sa kabuhi sang tawo.
Suno Alex Tablate, regional director sang PDEA-6 nga ginapa-intiende nila sa mga manunudlo kag estudyante sang ginabisitahan nga buluthuan ang importansiya nga makaangkon sang katawhayan sang pinsar kag maayo nga kabuhi sang tawo nga wala nagagamit sang droga.
Nag-apelar man sang kooperasyon sa publiko si Tablate nga buligan sila sang mga PDEA agents para dalayon na nga mapauntat ang iligal nga droga sa Pilipinas.
