Nagapanawagan ang Philippine Drug Enforcement Agency (PDEA) Capiz sa Roxas City Govenment nga magatukod sang Balay Silangan agud mas mabuligan ang mga persona nga naapektuhan sang ilegal nga droga.
Ang Balay Silangan Reformation Center amo ang isa ka programa sang gobyerno nga nagabulig sa mga persona nga na-apektuhan sang ilegal nga droga agud makabalik sa normal kag produktibo nga pangabuhi.
Sa interview sang Bombo Radyo kay Jury G. Rocamora, Investigation Agent V sang PDEA Capiz Provincial Office, iya ginpahayag nga ginapatigayon ang programa sa bulig sang mga local government units kag nagatutok sa pagbag-o sang pamatasan kag rehabilitasyon.
Ginnpahayag man sini nga ang pinaka-importante nga katuyuan sang Balay Silangan amo ang paghatag sang ikaduha nga kahigayunan sa mga persona nga handa nga magbag-o kag maglikaw sa ilegal nga droga.
Samtang lakip sa mga lugar sa Capiz nga wala pa sang Balay Silangan Reformation Center, amo ang banwa sang Dumalag kag Panay.
