Nangin masulhay ang pagsaulog sang adlaw sang paskwa sang mga Person’s Deprived of Liberty (PDLs) sa Capiz Rehabilitation Center sa Barangay Lawaan, Roxas City.
Apisar nga ini sila ang yara sa karon nakahunong sa CRC, sa gihapon nangin maayo kag nangin masadya ang ila pagsaulog sa adlaw sang paskwa.
Sa interview sang Bombo Radyo kay Cesar Dice, 5 ka tuig na nga yara sa sulod sang CRC, ginpahayag sini nga ila ini nga bilang isa ka PDL obligasyon kag kinahanglan antoson nga magsaulog sang paskwa nga malayo sa ila tagsa ka mga pamilya.
Dugang pa sini, nagpadulong sa ila ang mga katapo sang Public Attorney’s Office (PAO) kag nagpanagtag sang mga regalo.
Nakumpleto man sang mga ini ang 9 ka simbang gabi pinaagi sa bulig sang naka-designar nga pari sa sulod sang CRC.
Nag-hiliugyon ang mga PDLs kaupod ang mga gwardya nga gabantay kag ulupdanay nga nagselebrar sang holiday season.
