PDRRMO Capiz, padayon sa pagpanghanda sa posible nga epekto sang el niño

Padayon ang preparasyon sang Provincial Disaster Risk Reduction and Management Office (PDRRMO) Capiz para sa posible nga epekto sang El Niño.

Sa interview sang Bombo Radyo kay Atty. Shiela Artillero, head sang amo nga talatapan, iya ginpahayag nga nagatutok ang ila pagpanghanda sa suplay sang pagkaon, tubig, enerhiya, kag kaluwasan sang publiko.

Suno kay Artillero, padayon man ang pagplano sang konseho sang nagakaigo nga mga tikang agud masiguro nga may nagakaigo nga bulig para sa mga pumuluyo nga mahimo maapektuhan sang El Niño.

Dugang pa ni Artillero, padayon man ang pagpatigayon sang mga seminar kag training agud mapauswag ang kahandaan sang mga pumuluyo kag mga nagakaigo nga ahensya sa pag-atubang sang posible nga epekto sang El Niño.