Pedicab driver,nakuhaan sang improvised boga sa banwa sang Sapian

Gin-kumpiska sang mga kapulisan sang Sapian Municipal Police Station ang isa ka  improvised tube cannon ukon “boga” gikan kay Mike Castillano , 46-anyos, pedicab driver kag residente sang Brgy. Damayan, Sapian, Capiz.

Ang pagkumpiska parte sang ginpabakod nga operasyon kontra ilegal nga palupok sang kapulisan.

Ginabulubanta nga may balor ang nakuha nga boga nga P50.00.

(BOGA)

Sa subong, yara na ang nasambit nga boga sa kustodiya sang Sapian Municipal Police Station para sa husto nga disposisyon.

Nagapadayon ang panawagan sang kapulisan sa mga pumuluyo sang Sapian nga mangin responsable sa pagselebrar sang Bag-ong Tuig, kag magbulig sa pagsunod sa layi kontra ilegal nga palupok agud masiguro ang kaluwasan sang tanan.