Mahimo nga maglab-ot sa duha ka milyon ka metriko tonelada (MT) ang produksyon sang kalamay sang pungsod suno sa Sugar Regulatory Administration (SRA).
Mas mataas ini sangsa 1.782 milyones MT nga ginabanta nga output para sa tuig sang pananom.
Sa isa ka pahayag, si SRA Administrator Pablo Luis Azcona nagsiling nga ang positibo nga lokal nga output bangud sa “mabaskog nga pagpanalawsaw, malapad nga produksyon kag pagpanagtag sang mataas nga patubas nga mga sahi.”
Sa karon, ginabulubanta sang SRA ang pre-final nga lokal nga produksyon sang pungsod sa ginabanta nga 1.84 milyones MT.
Magluwas sa resulta sang maukod nga pagpanalawsaw, ginapatungod ni Azcona ang mas mataas nga output sang produksyon sa gin-iskedyul liwat nga pag-ani.
Una diri, gin-aprubahan ni Presidente Ferdinand R. Marcos Jr ang lihok agud iduso ang pagsugod sang harvest sa Oktubre halin sa Agosto.
