Nagpatigayon sang press conference ang Philippine Health Insurance Corporation (Philhealth)- Capiz angut sa pila ka mga accomplishment sang ila nga talatapan sa syudad sang Roxas.
Suno sa datos nga ginpagwa sa nasambit nga press conference, ang probinsya sang Capiz ang may yara na sang 736,706 ka mga miyembro.
Suno pa sa ila, nag-umpisa na sang pagparehistro ang talatapan sa Yaman ng Kalusugan Program (YAKAP) kun sa diin magatanyag sang libre nga check up kag bulong sa mga miyembro.
Base sa datos, ang probinsya sang Capiz ang may yara na sang 262,535 nga mga miyembro kag dependents nga 90,974.
Pahayag pa nila , ginatarget nga malab-ot ang 88.12% nga percentage sa bug-os nga rehiyon 6.
Dugang pa sang natungdan, ginaganyat ang tanan nga wala pa nakaparehistro nga magparehistro na bangud daku ini nga bulig sa tion sang emerhensya.
