-- ADVERTISEMENT --
Naka- hightened alert status ang Coast Guard Station-Capiz kadungan sang holiday season.
Sa interview sang Bombo Radyo kay Lieutenant Commander Gemlan Lanusga, Commander sang Coast Guard Station-Capiz , iya ginpahayag nga naka-deploy ang tanan nga katapo sang ila talatapan agud nga magbantay sa mga dulungkaan sa bug-os nga probinsya sang Capiz.
Suno kay Lieutenant Commander Lanusga, apisar madamu sang mga pasahero, nangin matawhay ang palibot bangud wala sang nabalhag nga anuman nga klase sang insidente.
Pahayag pa niya, wala man sang may na-stranded nga pasahero rason nga nangin maayo ang pag byahe sang mga barko.
Nagpanawagan man ang natungdan sang kooperasyon, magsunod sa layi agud nga mapabilin ang kalinong kag katawhay sang palibot.
-- ADVERTISEMENT --
