ROXAS CITY – Na-rescue ang isa ka Philippine eagle sa Sitio Baybay, Barangay Poblacion, Sapian, Capiz.
Suno kay Municipal Disaster Risk Reduction and Management (MDRRM) Officer Kenneth Honrado, ginpahayag sini nga isa ka concerned citizen nga si Randy Garcia ang nagpadulong sa ila nga talatapan bitbit ang nasambit nga agila.
Suno sa iya nga nagalakat-lakat lamang si Garcia sa mangrove area sa nasambit nga barangay sang nakit-an sini ang Philippine eagle.
Mahibaluan nga may yara sang ordinansa ang nasambit nga banwa nga hugot nga ginadumilian ang pagdakop, pag-alaga ukon pagtago sang mga endangered animals kasubong sang Philippine eagle.
Sa karon, yara na sa paghinakop sang Department of Environment and Natural Resources (DENR) ang nasambit nga agila.
