Naka full alert status na subong nga adalaw ang Philippine National Police bilang preparasyon kag sabat sa ginalauman nga anti-corruption protest rally subong nga adlaw
Isa ini ka tikang agud mapasiguro ang seguridad kag kaluwasan sang tanan sa tunga sang ginapaabot nga pagtililipon.
Suno sa Philippine National Police (PNP), masobra 50,000 ka mga kapulisan ang gin-deploy sa nagkalain-lain nga bahin sang pungsod.
Kadungan sini, may yara man sang hugot nga koordinasyon sa Armed Forces of the Philippines (AFP) kag iban pa nga ahensya sang gobyerno.
Nakadeploy man ang bug-os nga pwersa sang NCRPO sa pila ka mga lugar sa National Capital Region.
Magluwas sini, naka-standby man ang mga Police Regional Offices sa nagkalain-lain nga rehiyon kag ang Reactionary Standby Support Force kag handa nga gilayon nga magresponde kon kinahanglanon ang ila presensya.
Ginhatagan pagtamod ni Acting Chief PNP Police Lieutenant General Jose Melencio Nartatez Jr., nga mayor nga katuyuan sang sini nga tikang amo ang pagsiguro sang kaluwasan sang publiko sa bug-os nga aktibidad.
Dugang pa niya, nagatuyo man ini nga maamligan ang kinamatarung sang tagsa ka pumuluyo nga magtipon sang malinong kag hilway. Ini nga tikang nagapakita sang dedikasyon sang PNP sa pag-amlig sang kinamatarong sang mga pumuluyo.
