Nagasalig ang Philippine Sports Commission (PSC) nga matapos nila ang renovation sang Rizal Memorial Sports Complex sa gintalana nga tion para sa pag-host sang pungsod sa makasaysayan nga Philippine Women’s Open.
Suno sa PSC, padayon ang ila pagkay-o sa mga tennis court para sa torneo nga magasugod sa Enero 26 tubtob 21, 2026.
Sa bulig sang Department of Public Works and Highways (DPWH), ang trabaho nasentro sa pagpauswag sang mga tennis court kag pila ka mga pasilidad.
Sa nasambit nga paagi, ang ila estratehiko nga mga tinutuyo nakatutok para sa kaayuhan sang mga atleta kag sa pagpasanyog sang sports tourism sa pungsod paagi sa pagkaangkon sang moderno nga mga pasilidad.
Ang Philippine Women’s Open isa ka hard court tournament nga halos kadungan sang Australian Open, nga magasugod sa Enero 18 tubtob Pebrero 1, 2026.
Apisar wala pa sang may ginbuy-an nga players ang Women’s Tennis Association ukon WTA, magagamit sila sang tatlo sa pito ka mga playing court sang Rizal Memorial Tennis Center.
Indi man maathag kun makahampang ang Pinay tennis star nga si Alex Eala bangud nakadepende pa ini sa iya hampang sa Australian Open.
