ROXAS CITY – Kadungan sang World Toilet Day sang damlag lang, ginhatagan pagtamod sang Provincial Health Office kun ano kabilidhon ang pag-angkon sang CR ukon kasilyas sa mga panimalay.
Sa interview sang Bombo Radyo kay Provincial Health Office – Public Information Officer Mr. Ayr Altavas kag Sanitation Inspector III Engr. Joemarie Eugene L. Gonzales, may mga pila ka indibidwal suno diri nga kaangay wala ginaprayoridad ang toilet facilities rason nga ang World Toilet Day may intensyon nga mag-engganyo sa publiko nga maghimo sang tikang agud talupangdon ang kasubong sini nga bagay.
Dugang pa sini nga ang kasilyas dako nga bahin sang panimalay agud ma-dispose sang insakto ang higku bangud ang higku component sang paglapta sang nanari-sari nga balatian.
Panugyan nila nga ibutang sa huna-huna kag i-practice nga mangin matinlo adlaw-adlaw kag tipigan ang ikaayong lawas sang tagsa-tagsa agud mangin mainuswagon ang kabuhi.
